عالمی عدالت برائے انصاف کے جج نے اسرائیلی اور حماس کے رہنماؤں کے وارنٹ گرفتاری جاری کرنے کا مطالبہ کر دیا۔

بین الاقوامی فوجداری عدالت کے چیف پراسیکیوٹر کا کہنا ہے کہ وہ اسرائیلی وزیر اعظم بینجمن نیتن یاہو، وزیر دفاع یوو گیلنٹ اور حماس کے تین رہنماؤں کے وارنٹ گرفتاری جاری کرنے کا مطالبہ کرتے ہیں۔

اسرائیل کے وزیر خزانہ بیزل سموٹریچ نے بین الاقوامی فوجداری عدالت کے پراسیکیوٹر کی جانب سے اعلیٰ اسرائیلی عہدیداروں کے وارنٹ گرفتاری طلب کرنے کے اعلان کو نازی پروپیگنڈے سے تشبیہ دی ہے۔

اسموٹریچ نے ایکس پر کہا کہ ہم نے نازی پروپیگنڈے کے بعد سے یہودیوں کے خلاف منافقت اور نفرت کا ایسا مظاہرہ نہیں دیکھا۔

انہوں نے یہ بھی کہا کہ چیف پراسیکیوٹر کریم خان کے اعلان کے بعد تمام اسرائیلیوں کو یہ محسوس کرنا چاہئے کہ ان کے خلاف وارنٹ گرفتاری موجود ہیں۔

اس سے قبل عالمی عدالت انصاف کے چیف پراسیکیوٹر کریم خان نے کہا تھا کہ وہ وزیر اعظم بینجمن نیتن یاہو اور وزیر دفاع یاوف گیلنٹ کے وارنٹ گرفتاری کے لیے درخواست دیں گے۔

غزہ کی وزارت صحت کا کہنا ہے کہ گزشتہ 24 گھنٹوں کے دوران 100 سے زائد فلسطینی شہید ہو چکے ہیں۔ ڈاکٹرز ود آؤٹ بارڈرز کی رپورٹ کے مطابق جبالیہ پناہ گزین کیمپ کے قریب محصور العودہ اسپتال میں پینے کا پانی مکمل طور پر ختم ہو گیا ہے۔