امریکہ کا کہنا ہے کہ  رفح میں کسی بڑے فوجی آپریشن کی حمایت نہیں کریں گے۔

بین الاقوامی خبررساں ادارے کے مطابق    امریکی وزیر خارجہ انٹونی بلنکن نے کہا ہے کہ امریکہ شہریوں کے تحفظ کے لیے قابل اعتماد منصوبے کی عدم موجودگی میں رفح میں کسی بڑے فوجی آپریشن کی حمایت نہیں کرے گا۔

انٹونی بلنکن نے کہا کہ  ہم رفح میں ایک بڑے فوجی آپریشن کے بارے میں فکر مند ہیں کہ اس سے شہریوں کو نقصان پہنچے گا۔

انہوں نے کہا کہ  امریکی انتظامیہ اسرائیل کے ساتھ تباہ کن ہتھیاروں کے استعمال کے حوالے سے مسلسل بات چیت کر رہی ہے۔   ان ہتھیاروں سے رفح جیسے گنجان آباد علاقوں میں وسیع پیمانے پر تباہی پھیل سکتی ہے۔