سپریم کورٹ نے فیض آباد دھرنا نظرثانی کیس میں گزشتہ سماعت کا تحریری حکم نامہ جاری کردیا۔

سپریم کورٹ نے کمیشن رپورٹ ٹی او آرکے برخلاف قرار دے دی۔ کمیشن نے مینڈیٹ سے باہرجا کراصرارکیا کہ ایک مخصوص شخص نے کچھ غلط نہیں کیا۔ کمیشن نے محض اس شخص کی کاغذ پرلکھی تردید پرانحصارکیا۔

حکمنامے میں کہا گیا کہ کمیشن نے سب فریقین سے مساوی سلوک نہیں کیا، کمیشن نے ایک فریق سے بیان حلفی لیا دوسرے سے سادہ بیان، کمیشن نے دونوں فریقین کوایک دوسرے پرجرح  کا موقع بھی نہیں دیا۔

حکمنامے کے مطابق کمیشن رپورٹ میں صوبائیت کی جھلک مایوس کن ہے، رپورٹ میں محض جملہ بازی اوراصلاحات ہیں ٹھوس مواد نہیں، اٹارنی جنرل نے بھی کہا رپورٹ ٹھوس مواد سے خالی ہے، تحریک لبیک کے کسی فریق کابیان ہی نہیں لیاگیا۔ رپورٹ پبلک کی جائیگی یانہیں، اٹارنی جنرل 2 ہفتےمیں جواب جمع کروائیں۔