فیصل آباد میں دلخراش واقعہ، دو خواتین اور چاربچے قتل
فیصل آباد میں دلخراش واقعہ پیش آیا ہے، شہری نے دو بیویوں اور چار بچوں کا قتل کردیا۔
تفصیلات کے مطابق فیصل آباد کے تھانہ نشاط آباد کی حدود کے چک 119 میں افسوس ناک واقعہ پیش آیا ہے۔ جہاں شہری نے 2 بیویوں، 4 بچوں کو فائرنگ کرکے قتل کر دیا۔
کاظم نامی شہری نے اہل خانہ کو موت کے گھاٹ اتار کرخود بھی خودکشی کرلی۔ ماری جانے والی بیویوں کی شناخت امبرین اورفضاء کے نام سے ہوئی۔
والد کے ہاتھوں قتل ہونےوالوں میں 3 بیٹیاں اور ایک بیٹا شامل تھے۔
بچوں میں 22 سالہ یمنہ، 19سالہ عروج ملزم کی پہلی بیوی امبرین سے تھیں جبکہ 8سالہ روما اور 6 سالہ موسی ملزم کی دوسری بیوی فضا کے بچے تھے۔
واقعے کے بعد سی پی او فیصل آباد ڈی آئی جی کامران عادل جائے وقوعہ پر پہنچ گئے۔ ڈی آئی جی کا کہنا ہے کہ پولیس نے افسوسناک واقعہ کی تمام پہلوؤں سے تحقیقات شروع کر دی ہیں۔
کامران عادل نے کہا کہ ابتدائی تحقیقات کے مطابق ملزم نے اپنی دونوں بیویوں اور بچوں کو قتل کرکے خود کشی کی ہے۔ پولیس اور فرانزک ٹیمیں تمام ثبوت اکٹھے کر رہی ہیں۔
سی پی او فیصل آباد کا کہنا تھا کہ واقعہ کی تمام پہلوؤں سے تفتیش کرکے جلد حقائق سامنے لائے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News