وزیرتوانائی سندھ سید ناصرشاہ نے سرکاری اداروں میں اربوں روپے اووربلنگ کا انکشاف کیا ہے۔ 

کراچی میں وزیرتوانائی سندھ ناصرحسین شاہ نے صحافیوں سے ملاقات میں گفتگوکے دوران انکشاف کیا، انھوں نے کہا کہ کےالیکٹرک نے10سال میں20ارب روپےاضافی بلنگ کی، رواں سال بھی آڈٹ میں 2 ارب سے زائد کی اووربلنگ ثابت ہوئی۔

ناصرشاہ نے کہا کہ کےالیکٹرک کواسمارٹ میٹرکیلئےاربوں روپےدیےگئے، کے الیکٹرک نے تاحال سرکاری اداروں میں اسمارٹ میٹر نصب نہیں کیے، سیپکواورحیسکونے اسمارٹ میٹرنصب کیے۔

وزیرتوانائی سندھ  نے کہا کہ حکومت کورئیل ٹائم ڈیٹا مل رہا ہے، ڈیٹا ملنے سے ادائیگیوں میں شفافیت آگئی ہے، سرکاری اداروں پر اتنی اووربلنگ ہوئی توشہریوں کی حالت کیا ہوگی؟

ناصر حسین شاہ نے کہا کہ اووربلنگ سےشہریوں کوبچانے کیلئے حکومت کمیٹی بنائےگی، کراچی والوں کوکےالیکٹرک کےظلم کا شکارنہیں ہونےدیں گے۔