سوئی سدرن نے گیس چوروں کے خلاف گھیرا مزید تنگ کردیا اور کروڑوں کی گیس چوری کا سراغ لگا لیا۔ 

سوئی سدرن گیس کی ٹیم کی جانب سے کراچی کے علاقے لیاقت آباد، کورنگی، مہران ٹاؤن اور دیگر علاقوں میں چھاپے مارے گئے۔

سوئی سدرن گیس نے 156,480,000 کروڑ مالیت کی گیس چوری پکڑلی گئی۔ ملزمان سالانہ 5,007,360 معکب میٹر سروس لائین سے گیس چرا رہے تھے۔

دوسری جانب گیس چوری کی روک تھام کیلئے قائم ادارے سی جی ٹی او اینڈ رکوری اور سی آر ڈی نے 5216 غیر قانونی کنیکشن منقطع کرلئے۔

بعد ازاں چھاپہ مار ٹیم نے چوری میں استعمال ہونے والا پائپ اور دیگر سامان تحویل میں لے لیا۔ ملزمان کیخلاف چوری کئے جانے والے گیس لوڈ کے حساب سے ہرجانہ عائد کیا جائے گا۔

ترجمان سوئی سدرن گیس کے مطابق گیس چوری روکنے کیلئے سوئی سدرن پر عزم، گیس چوری سے ملک اور ادارے کو نقصان پہنچ رہا ہے، گیس چوروں کیخلاف مزید کاروائیاں تیز کی جائیں گی۔