انگلینڈ کے خلاف دوسرے ٹی ٹوئنٹی میچ کے لیے پاکستان کی ممکنہ پلیئنگ الیون سامنے آگئی۔

پاکستان اور انگلینڈ کی ٹیموں کے درمیان 4 ٹی ٹوئنٹی میچز پر مشتمل سیریز کھیلی جارہی ہے جس کا دوسرا میچ 25 مئی بروز ہفتہ کو برمنگھم میں کھیلا جائے گا۔

اس سے قبل پہلا ٹی ٹوئنٹی میچ بارش کی نذر ہوگیا تھا تاہم دوسرا میچ ہونے کی پوری امید نظر آرہی ہے۔

بابر اعظم کے تیسرے نمبر پر بیٹنگ کرنے کے اعلان کے ممکنہ طور پر محمد رضوان کے ساتھ عثمان خان یا صائم ایوب اوپننگ کریں گے۔

مڈل آرڈر میں قومی ٹیم کے پاس فخر زمان، اعظم خان، افتخار احمد اور عماد وسیم جیسے پاور ہٹر موجود ہیں جب کہ قومی ٹیم کے پیسنگ اٹیک میں شاہین آفریدی اور نسیم شاہ موجود ہوں گے۔

انجری سے واپسی کرنے والے حارث رؤف اور ابرار احمد بھی ممکنہ طور پر پلیئنگ الیون میں شامل ہوسکتے ہیں جب کہ محمد عامر کا ٹیم میں شامل نہ ہونے کا امکان ہے۔

دوسرے ٹی ٹوئنٹی کے لیے ممکنہ پلیئنگ الیون

بابر اعظم (کپتان)، محمد رضوان، صائم ایوب یا عثمان خان، فخرزمان، اعظم خان (وکٹ کیپر)، افتخار احمد، عماد وسیم، شاہین آفریدی، نسیم شاہ، حارث رؤف اور ابرار احمد۔