اقتصادی رابطہ کمیٹی نے متعدد منصوبوں کیلئے گرانٹس کی منظوری دیدی
اقتصادی رابطہ کمیٹی نے دفاعی پیداوار، پاکستان اسٹیل ملزملازمین کوتنخواہوں سمیت متعدد منصوبوں کیلئے گرانٹس کی منظوری دیدی
وزیرخزانہ محمداورنگزیب کی زیرصدارت اقتصادی رابطہ کمیٹی کااجلاس منعقد ہوا۔ ذرائع کا کہنا ہے کہ دفاعی پیداوار کیلئے 20 کروڑ روپے کی تکنیکی گرانٹ منظورکر لی گئی۔
ذرائع کے مطابق پاکستان اسٹیل ملزملازمین کوتنخواہوں کی ادائیگی کیلئے فنڈزکی منظوری دی گئی۔ ملازمین کوجنوری 2024 سے جون 2024 تک تنخواہ جاری کی جائے گی۔
ذرائع کا کہنا ہے کہ خریف سیزن 2024 کیلئے یوریا کھاد کی ضروریات پوری کی حکمت عملی منظورکی گئی۔
اجلاس کے دوران ای سی سی نے ہدایت کی کہ خریف سیزن کے لیے یوریا کھاد کی قلت نہ ہونے دی جائے۔
ذرائع کے مطابق ایرا کیلئے بھی 5 ارب 89 کروڑروپے کی ضمنی گرانٹ منظورکی گیئی جبکہ کے الیکٹرک کیلئے70 ارب روپے کی ایڈوانس سبسڈی کی منظوری دی گئی۔
ذرائع نے یہ بھی بتایا کہ ایٹمی توانائی کمیشن کیلئے 4 ارب 86 کروڑروپے کی ضمنی گرانٹ اوروزارت توانائی کیلئے 2.5 ارب روپے کی تکنیکی ضمنی گرانٹ کی بھی منظوری دی گئی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News