وزیراعظم نے کہا ہے کہ یو اے ای کے ساتھ مل کر پاکستانی معیشت کو درست کرنا چاہتے ہیں، آج یہاں لون لینے نہیں مشترکہ سرمایہ کاری پر بات کرنے آئے ہیں۔

ابوظبی میں آئی ٹی کمپنیوں کےدرمیان شراکت داری سےمتعلق سیشن کے دوران وزیر اعظم شہبازشریف نے خطاب کرتے ہوئے کہا کہ یو اے ای کے صدر پاکستان کے عظیم دوست ہیں، یو اے ای کے ساتھ مشترکہ منصوبوں پر سرمایہ کاری چاہتے ہیں۔

وزیر اعظم نے کہا کہ یو اے ای کے ساتھ مل کر پاکستانی معیشت کو درست کرنا چاہتے ہیں، گزشتہ ڈھائی ماہ میں آئی ٹی کے فروغ کے لیےبہت کام کیا، کوشش ہے پاکستانی معیشت کو ڈیجیٹلائز کرنے کا کام جلد مکمل ہو۔

وزیر اعظم نے کہا کہ پاکستان کی 60 فیصد سے زائد آبادی نوجوانوں پر مشتمل ہے، آئی ٹی ایکسپرٹس معیشت کو ڈیجیٹلائز کرنے میں کرداراداکررہے ہیں۔ معیشت کو ڈیجیٹلائز کرنے میں پاکستانی اپنا کردار اداکررہے ہیں۔

انھوں نے خطاب میں کہا کہ آج یہاں لون لینے نہیں مشترکہ سرمایہ کاری پر بات کرنے آئے ہیں، یو اے ای آئی ٹی کی فیلڈ میں لیڈ کر رہا ہے، یواے ای میں آج آئی ٹی پروفیشنلزکودیکھ کرخوشی ہو رہی ہے، متحدہ عرب امارات میں ذہین پاکستانی کام کر رہے ہیں۔

وزیر اعظم شہبازشریف نے کہا کہ شیخ محمد بن زاید کی طرف سے آئی ٹی میں جدت قابل رشک ہے، شیخ محمد بن زایدکی سربراہی میں یو اے ای ترقی کی منازل طے کر رہا ہے۔