کراچی  کے مختلف علاقوں میں 12 سے 14 گھنٹے کی لوڈشیڈنگ  نے  شہریوں کی زندگی اجیرن کردی۔

تفصیلات کے مطابق کے الیکٹرک کی جانب سے کراچی کے مختلف علاقوں میں 12 سے 14 گھنٹے کی لوڈشیڈنگ  کی جارہی ہے۔

حالیہ جاری بدترین ہیٹ ویو  کے دوران اذیت ناک لوڈشیڈنگ کےباعث شہر میں پانی کی  بھی شدید قلت ہوگئی۔

لانڈھی،ملیر،شاہ فیصل کالونی،بلدیہ، سائٹ،اورنگی،لیاری ، نیوکراچی، فقیرکالونی،محمودآباد اور سلطان آباد سمیت کئی علاقوں میں لوڈشیڈنگ جاری ہے۔

شہریوں کا کہنا ہے کہ کے الیکٹرک نے زندگی عذاب بنادی ہے۔کےالیکٹرک کی جانب سے بلوں میں لوٹ مار جاری ہے۔ کے الیکٹرک سے ظلم کرنے پر کوئی پوچھنے والا نہیں ہے۔

شہریوں  کی درخواست ہے کہ سخت گرمی میں بدترین لوڈشیڈنگ کو خدارا بندکیا جائے۔