سیکیورٹی فورسز نے انٹیلی جنس بیسڈ آپریشن میں 3 دہشت گردوں کو جہنم واصل کر دیا ہے، جبکہ پاک فوج کا ایک میجر شہید ہو گیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع ژوب کےعلاقے سمبازہ میں انٹیلی جنس بیسڈ آپریشن کیا۔

آپریشن کے دوران فائرنگ کے تبادلے میں 3 دہشت گرد ہلاک ہو گئے۔

آئی ایس پی آر کے مطابق ہلاک دہشتگردوں سے اسلحہ، گولہ بارود اور دھماکا خیزمواد برآمد ہوا۔

آئی ایس پی آر کا کہنا تھا کہ دہشتگردوں کی فائرنگ سے پاک فوج کے میجربابرخان شہید ہو گئے ہیں۔

سیکیورٹی فورسز کا کہنا ہے کہ علاقے میں دہشتگردوں کو ختم کرنے کے لیے کلیئرنس آپریشن کیا گیا تھا۔ بہادرسپاہیوں کی قربانیاں ہمارےعزم کو مزید مضبوط کرتی ہیں۔

آئی ایس پی آر کا مزید کہنا تھا کہ دیگر دہشت گردوں کی تلاش جاری ہے اور ان کے خاتمے تک آپریشن جاری رہے گا۔

آئی ایس پی آر کے مطابق علاقے میں موجود دوسرے دہشت گردوں کے خاتمے کیلیے آپریشن جاری ہے۔

ترجمان آئی ایس پی آر کا مزید کہنا تھا کہ سیکیورٹی فورسز بلوچستان کے امن و استحکام کے لیے پُرعزم ہے اور پاک فوج کسی بھی قربانی سے گریز نہیں کرے گی۔