ڈیرہ اسماعیل خان: جنوبی وزیرستان میں ٹک ٹاک بنانے کے شوقین منچلوں نے نابینا شخص کو سیلابی پانی میں پھینک دیا۔

جنوبی وزیرستان میں ٹک ٹاک بنانے کے شوقین منچلوں کی جانب سے نابینا شخص کو پانی میں دھکا دینے کی ویڈیو سوشل میڈیا پر وائرل ہوگئی۔

ویڈیو وائرل ہونے پر ریجنل پولیس آفیسر ڈیرہ رینج ناصر محمود ستی فوری ایکشن لیا اور واقعہ کے ذمہ داروں کو گرفتار کرنے کا حکم دیا۔

ڈی پی او جنوبی وزیرستان لوئر فرمان اللہ نے آر پی کی ہدایات پر فوری عمل درآمد کرتے ہوئے ملزمان کو گرفتار کرلیا جب کہ ملزمان کو گرفتار کر کے وانا سٹی تھانہ منتقل کردیا گیا ہے۔

سیلابی پانی میں پھینکے جانے والے شخص کا تعلق جنوبی وزیرستان کے علاقہ زرمیلن سے ہے۔