وزیراعظم آفس کی جانب سےسیاسی کمیٹی کےقیام کانوٹیفکیشن جاری کردیا گیا، رانا ثنا اللہ کمیٹی کے چیئرمین ہوں گے۔ 

تفصیلات کے مطابق الیکٹرانک کرائم ایکٹ کے معاملے پر وزیراعظم آفس کی جانب سےسیاسی کمیٹی کےقیام کانوٹیفکیشن جاری کردیا گیا۔ نوٹیفکیشن کے مطابق رانا ثنا اللہ کمیٹی کے چیئرمین ہوں گے۔

کمیٹی میں وفاقی وزیر قانون اعظم نذیرتارڑ، وفاقی وزیر اطلاعات عطااللہ تارڑ، خالدمقبول صدیقی، شیزافاطمہ، خالدحسین مگسی، شیری رحمان اوراٹارنی جنرل شامل ہیں۔

نوٹیفکیشن کے مطابق کمیٹی کی سفارش پردیگرافراد کو بھی اس کا حصہ بنایا جاسکتا ہے، کمیٹی الیکٹرونک کرائم ایکٹ سے متعلق سیاسی مفاہمت پیدا کرنےکی کوشش کریگی۔

وزیراعظم ہاؤس کی جانب سے جاری کردی نوٹیفکیشن کے مطابق کمیٹی بل کی ترامیم سے متعلق بھی سفارشات مرتب کرےگی،  وزارت آئی ٹی وٹیلی کمیونی کیشن سیکریٹریٹ کے حوالے سے معاونت کرینگی۔

نوٹیفکیشن میں کہا گیا کہ سفارشات 15روزمیں وزیراعظم کوپیش کی جائیں گی۔