کراچی: 2 دن میں شہر سے ملنے والی لاشوں کی تعداد 19 ہوگئی۔

ریسکیو حکام کے مطابق آج شہر قائد کے مختلف علاقوں سے 8 افراد کی لاشیں ملی ہیں جب کہ کراچی سے ملنے والی لاشوں کی عمریں 35 سے 60 سال کے درمیان ہیں۔

ریسکیو حکام کا کہنا ہے کہ 2 دن میں شہر سے ملنے والی لاشوں کی تعداد 19 ہوگئی ہے، ممکنہ طور پر زیادہ ترافراد نشے کے عادی تھے۔

ریسکیو حکام نے بتایا کہ جامع کلاتھ، گولیمار، سپرہائی وے، گلستان جوہر اور لانڈھی سے 5 افراد کی لاشیں ملیں جب کہ سرجانی کنیزفاطمہ سوسائٹی کے قریب سےایک شخص کی تشدد زدہ بوری بند لاش ملی۔

ریسکیو حکام نے مزید بتایا کہ فیڈرل بی ایریا کریم آباد سے ایک شخص کی لاش ملی، اورنگی ٹاؤن پریشان چوک کے قریب سےنامعلوم شخص کی لاش ملی۔

حکام کا کہنا تھا کہ تمام لاشیں وقوعہ سے پولیس اسٹیشن اور پھرسرد خانے منتقل کردی گئیں ہیں۔