اسلام آباد: ملک بھر میں بجلی کا شارٹ فال 5 ہزار 564 میگاواٹ تک پہنچ گیا ہے۔

ذرائع کے مطابق ملک میں بجلی کی طلب 26 ہزار 500 میگاواٹ ہے جب کہ بجلی کی پیداوار 20 ہزار 936 میگاواٹ ہے جب کہ بجلی کا شارٹ فال 5 ہزار 564 میگاواٹ تک پہنچ گیا ہے۔

ذرائع نے بتایا کہ پن بجلی ذرائع سے 6 ہزار 999 میگاواٹ بجلی پیدا ہورہی ہے، سرکاری تھرمل پاور پلانٹس 878 میگاواٹ بجلی پیدا کررہے ہیں۔

ذرائع کا کہنا ہے کہ نجی شعبے کے بجلی گھروں کی پیداوار 7 ہزار650  میگاواٹ ہے جب کہ ونڈ پاور پلانٹس سے 885 میگاواٹ بجلی پیدا ہورہی ہے۔

ذرائع نے مزید کہا کہ سولر پاور پلانٹس سے 192 بگاس سے 132 اور نیوکلیئر پاور پلانٹس سے 3 ہزار 200 میگاواٹ بجلی پیدا ہورہی ہے۔

واضح رہے کہ ملک بھر میں 8 گھنٹے تک بجلی کی لوڈ شیڈنگ جاری ہے جب کہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔