ڈسٹرکٹ اینڈ سیشن کورٹس اسلام آباد نے  آزادی مارچ ہنگامہ آرائی کیس میں بانی پی ٹی آئی، شاہ محمود  قریشی اور شیخ رشید  کو مقدمے سے بری کردیا۔

تفصیلات کے مطابق  ڈسٹرکٹ اینڈ سیشن کورٹس اسلام آباد نے بانی پی ٹی آئی سمیت دیگر رہنماؤں کی درخواست بریت پر محفوظ فیصلہ سنا دیا۔

جوڈیشل مجسٹریٹ ملک محمد عمران نے محفوظ فیصلہ سنایا جس میں بانی پی ٹی آئی ،شیخ رشید اور شاہ محمود قریشی کو مقدمے  سے بری کردیا گیا۔

اس کے علاوہ صداقت عباسی ،علی نواز اعوان سمیت دیگر ملزمان بھی بری ہونے والوں میں شامل ہیں۔

پی ٹی آئی قیادت پر دفعہ 144 کی خلاف ورزی، توڑ پھوڑ کی دفعات کے تحت 2022 میں مقدمہ درج کیا گیا تھا۔

بانی پی ٹی آئی و دیگر  کی جانب سے سردار محمد مصروف خان ایڈووکیٹ ،علی بخاری ایڈوکیٹ ،آمنہ علی ودیگر نے دلائل دیئے تھے۔