پاک ترک وزرائے خراجہ نے فلسطینیوں کی نسل کشی اور اسرائیلی جارحیت رکوانے کے لیے غزہ میں فوری جنگ بندی کی ضرورت پر زور دیا ہے۔

ترجمان دفتر خارجہ کے مطابق نائب وزیراعظم اسحاق ڈار نے استنبول میں ترک وزیر خارجہ خاقان فدان کے ساتھ ملاقات کی، پاک ترک وزرائے خارجہ کی ملاقات ڈی ایٹ وزرائے خارجہ کونسل کے اجلاس کی سائڈ لائنز پر ہوئی۔

ترجمان دفتر خارجہ کا کہنا ہے کہ نائب وزیر خارجہ اسحاق ڈار نے غزہ کی صورت حال پر ڈی ایٹ وزرائے خارجہ کونسل کا ہنگامی اجلاس طلب کیے جانے پر ترکی کو سراہا۔

ترجمان دفتر خارجہ نے بتایا کہ پاک ترک وزرائے خارجہ نے فلسطینیوں کی نسل کشی اور اسرائیلی جارحیت رکوانے کے لیے غزہ میں فوری جنگ بندی کی ضرورت پر زور دیا۔

ترجمان کا کہنا تھا کہ پاک ترک وزرائے خارجہ نے مشرق وسطیٰ میں مستقل اور پائیدار قیام امن کے لیے دو ریاستی حل کی تجویز کا اعادہ کیا اور غزہ میں اسرائیلی جارحیت سمیت فلسطینیوں کی نسل کشی رکوانے کے لیے پاک ترک وزرائے خارجہ کا مشترکہ بین الاقوامی کوششوں کی ضرورت پر زور۔

علاوہ ازیں پاک ترک وزرائے خارجہ نے مشترکہ عقیدے، ثقافت اور تاریخ پر مبنی پاک ترک دو طرفہ تعلقات کے پس منظر میں اقتصادی تعاون کو مزید فروغ دینے کا بھی اعادہ کیا۔

ترجمان دفتر خارجہ نے مزید بتایا کہ ترک وزیر خارجہ نے نائب وزیراعظم اسحاق ڈار کو پاکستان کے سلامتی کونسل کے غیر مستقل رکن منتخب ہونے پر مبارکباد دی۔