انسداد دہشتگردی عدالت لاہورنے عسکری ٹاورحملہ اور جلاؤ گھیراؤ کیس جیل ٹرائل کی سماعت 13 جون تک ملتوی کردی۔

انسداد دہشتگردی عدالت کے ایڈمن جج خالد ارشد نے کوٹ لکھپت جیل جا کرسماعت کی۔ زیر حراست اور برضمانت ملزمان کی جیل میں حاضری مکمل کی گئی۔

گرفتار رہنما سابق گورنرعمرسرفراز چیمہ، اعجاز چوہدری اورڈاکٹریاسمین راشد کی جیل میں حاضری مکمل کی گئی۔

عدالت نے آیندہ سماعت پر تمام برضمانت ملزمان کو جیل ٹرائل کیلیے جیل میں طلب کرتے ہوئے کہا کہ آئندہ سماعت پر ملزمان میں چالان کی کاپیاں تقسیم کی جائیں گی۔

سابق وزیر خزانہ کی بیٹی خدیجہ شاہ حاضری کیلیے پیش میں پیش ہوئی۔ ضمانت منظور ہونے کے بعد پیش نہ ہونے والے ملزمان پر عدالت کا اظہار برہمی کرتے ہوئے عدالت نے طیبہ راجہ سمیت دیگر برضمانت غیر حاضر ملزمان کے قابل ضمانت وارنٹ گرفتاری جاری کردیے۔

پراسیکیوشن نےملزمان کیخلاف چالان عدالت میں جمع کرا رکھا ہے۔ مقدمہ میں بغاوت سمیت دیگر سنگین دفعات شامل ہیں تھانہ گلبرگ نے ملزمان کیخلاف مقدمہ درج کررکھا ہے۔