وزیراعظم نے خطاب میں کہا ہے کہ چین نے ترقی کے لیے فرسودہ طریقہ کار کو ترک کر کے جدید طریقے اپنائے،  پاکستان بدعنوانی پر قابو پانے کے لیے مؤثراقدامات کررہا ہے۔

دورہ چین کے دوران پاک چین بزنس کانفرنس سے خطاب کرتے ہوئے وزیراعظم شہبازشریف نے کہا ہے کہ چین ہمارا سب سے قابل بھروسہ دوست ملک ہے، چین نے ہر مشکل وقت میں پاکستان کا ساتھ دیا۔

وزیراعظم شہبازشریف نے کہا کہ چین کے شہر شینزون نے مختصرمدت میں ترقی کی منازل طے کیں، ہمیں ماضی کو پیچھے چھوڑتے ہوئے آگے بڑھنا چاہئے۔

وزیراعظم نے کہا کہ چین کی ترقی ہم سب کے لیے قابل تقلید ہے، صدرشی جن پنگ کی قیادت میں چین دنیاکی دوسری بڑی معیشت بنا، آج چین دنیا بھر کو ڈیری اورزرعی مصنوعات برآمد کررہا ہے۔

وزیراعظم شہبازشریف نے خطاب میں کہا کہ چین نے ترقی کے لیے فرسودہ طریقہ کارکوترک کرکے جدید طریقے اپنائے، پاکستانی کمپنیاں مصنوعات کوبہتراندازمیں دنیا کے سامنے پیش کریں۔

وزیراعظم نے کہا کہ پاکستان بدعنوانی پر قابو پانے کے لیے مؤثراقدامات کررہا ہے، پاکستان میں کاروبارمیں آسانی پیدا کرنے کے لیے بزنس کونسل قائم کی۔

یہ خبر بھی پڑھیں؛ وزیراعظم شہبازشریف کا شینزن میں ہواوے ہیڈکوارٹرز کا دورہ 

وزیراعظم دوسرے مرحلے میں چینی دارالحکومت بیجنگ پہنچ گئے، بیجنگ کیپیٹل انٹرنیشنل ایئرپورٹ پرچین کےنائب وزیرخارجہ نے استقبال کیا۔

بیجنگ میں پاکستانی سفارتخانے کے حکام بھی ایئرپورٹ پرموجود تھے۔ نائب وزیراعظم اوروزیرخارجہ اسحاق ڈارودیگروفاقی وزرابھی ہمراہ ہیں۔

وزیراعظم شہبازشریف چینی صدر، وزیراعظم سے الگ الگ ملاقاتیں کریں گے، چیئرمین نیشنل پیپلزکانگریس اسٹینڈنگ کمیٹی سے بھی ملاقات ہوگی۔ مختلف شعبوں میں تعاون بڑھانے سے متعلق کئی مفاہمتی یادداشتوں پردستخط ہونگے۔

سی پیک منصوبوں پرکام کرنے والی کمپنیوں کے افسران سے بھی ملاقاتیں کرینگے۔