جاپان کے شہر ناگاساکی پر ایٹمی حملے کی سالان تقریب میں اسرائیل کے سفیر کو نہ بلانے کا فیصلہ کر لیا گیا ہے۔

عرب میڈیا کے مطابق ناگاساکی کے میئر شیرو سوزوکی نے ایٹمی حملے کی سالانہ تقریب میں اسرائیل کے سفیر کو نہ بلانے کی تصدیق کر دی ہے۔

میئر شیرو سوزوکی کا کہنا تھا کہ ناگاساکی پر امریکی ایٹمی حملے کی یاد میں منعقد ہونے والی سالانہ تقریب میں اسرائیلی سفیر کو شرکت نہیں کرنے دیا جائے گا۔

ناگاساکی کے میئر شیرو سوزوکی کا مزید کہنا تھا کہ اسرائیلی سفیر کو دعوت نامے کے بجائے غزہ میں جنگ روکنے کے لیے ایک خط ارسال کیا گیا ہے۔

ناگاساکی پر ایٹمی حملے کی سالانہ یادگاری تقریب میں مختلف ممالک کے 154 نمائندگان کی شرکت متوقع ہے۔

یاد رہے کہ جاپان کے شہر ناگاساکی پر امریکہ نے دوسری جنگ عظیم کے دوران 9 اگست 1945 کو ایٹم بم گرایا تھا جس سے 74 ہزار ہلاکتیں ہوئی تھیں۔

جبکہ اس سے تین قبل 6 اگست 1945 کو امریکہ کے ایٹم بم نے جاپانی شہر ہیروشیما کو راکھ کا ڈھیر بنا دیا تھا۔