کراچی: شہر میں بارش شروع ہوتے ہی مختلف علاقوں میں کے الیکٹرک کے 240 فیڈرز ٹرپ کرگئے۔

کراچی کے علاقے نارتھ کراچی، شادمان ٹاؤن، یوپی سوسائٹی، اورنگی، گلستان جوہر، گڈاپ، گلشن معمار، سرجانی، تیئسرٹاؤن، گلشن حدید، رزاق آباد، ڈی ایچ اے، گزری اور گلشن میں بجلی بند ہے۔

بلدیہ، شیرشاہ، کیماڑی، ماری پور، منوڑا، اولڈ سٹی ایریا، جیکب لائنز، بزرٹا لائنز، پنجاب کالونی، ملیر، کھوکھرا پار، ماڈل کالونی، کاظم آباد، کھارادر، میٹروول، سائٹ، احسن آباد اور شاہ فیصل کالونی میں بھی بجلی بند ہے۔

علاوہ ازین کورنگی، لانڈھی، سرسید ٹاؤن، منظور کالونی، اختر کالونی، قیوم آباد، خواجہ اجمیر نگری میں بارش ہوتے ہی بجلی بند ہوگئی جب کہ حب اوتھل اور اطراف میں بھی بجلی بند ہوگئی ہے۔

بارش ہوتے ہی مخلتف علاقوں میں کے الیکٹرک کی پی ایم ٹیز، سب اسٹیشن اور فیڈرز ٹرپ کرگئے ہیں، سرجانی میں 13، گلستان جوہر میں 25 اور گلشن میں 5 فیڈرز بند ہونے سے بجلی معطل ہوگئی۔

اورنگی 7، ڈیفنس2، بلدیہ 2 اور سوسائٹی میں 3 فیڈرز ٹرپ کرنے سے بجلی بند ہوئی جب کہ اوتھل 3، بن قاسم 1 اور کورنگی میں 1 فیڈرز ٹرپ ہونے کے بعد بجلی بند ہوئی۔