پشاور: الیکٹرانک سگریٹ، وپیس اور نکوٹین پاوچ پر پابندی عائد کرتے ہوئے ضلعی انتظامیہ کی جانب سے دفعہ 144 نافذ کردی گئی۔

ضلعی انتظامیہ کے مطابق ای سگریٹ، ویپس اور نکوٹین پاؤچ سے سانس کی بیماریاں پھیلنے کا خدشہ ہے، اسپتالوں اور تعلیمی اداروں کے آس پاس ای سگریٹ، ویپس اور نکوٹین پاؤچ بیچنے پر مکمل پابندی ہوگی۔

ضلعی انتظامیہ کا کہنا ہے کہ اکیس سال سے کم عمر نوجوانوں پر ای سگریٹ، ویپس اور نکوٹین پاؤچ فروخت کرنے بھی پابندی ہوگی۔

ضلعی انتظامیہ کا کہنا تھا کہ عوامی مقامات  اور گاڑیوں پر ان پرا ڈکٹس کی تشہیر پر بھی پابندی عائد ہوگی، خلاف ورزی کرنے والوں کے خلاف قانونی کارروائی کی جائے گی۔

واضح رہے کہ یہ اقدام محکمہ صحت کے لیو ویل انیشیٹیو کے تحت اٹھایا گیا ہے۔