پاکستان عوامی لیگ کے سربراہ  شیخ رشید  احمد نے بجٹ 2024،25 کو غریب دشمن قرار دے دیا۔

اسلام آباد   میں ڈسٹرکٹ  اینڈ سیشن کورٹ  میں پیشی کے بعد  میڈیا سے گفتگو  کرتے ہوئے   شیخ رشید نے بجٹ کو آئی ایم ایف اور  غریب دشمن قرار دے دیا۔

شیخ رشید نے کہا کہ  بجٹ میں بھاری ٹیکس لگائے گئے ہیں۔ پی پی کا امتحان ہےکہ وہ کیا کردار ادا کرتی ہے، پی پی اگر بجٹ میں ووٹ نہیں ڈالتی تو حکومت ختم ہو جائے گی۔

انہوں نےکہا کہ  ایم کیو ایم والوں کو بھی سوچنا  چاہئے، بجٹ کی مخالفت کرنی چاہئے،ہر دفعہ آپ کا الو سیدھا نہیں ہوگا۔

شیخ رشید احمد کا مزید کہنا تھا کہ عزت سب سے  بڑی چیز ہوتی ہے، اپنے ٹکٹ کے لیے  کسی سے کوئی اپیل نہیں کی۔ میں تحریک انصاف کا حصہ نہیں ،بانی پی ٹی آئی  کے ساتھ دوستی ہے اسی لیے چلہ  بھی کاٹا۔

ان کا کہنا  تھا کہ  جج صاحب نے انصاف پر مبنی فیصلہ دیا ہے،   اپیل ہے کہ بے گناہ لوگوں کو عام معافی دی جائے۔