رافیل نڈال اولمپکس پر توجہ مرکوز کرنے کے لئے ومبلڈن میں شرکت نہیں کریں گے

ٹینس کے معروف کھلاڑی دو مرتبہ کے ومبلڈن چیمپیئن رافیل نڈال پیرس میں ہونے والے اولمپکس پر توجہ مرکوز کرنے کے لیے رواں سال ومبلڈن میں نہیں کھیلیں گے۔

38 سالہ ہسپانوی کھلاڑی نے کہا کہ وہ 27 جولائی سے شروع ہونے والے اولمپک ٹینس ٹورنامنٹ کی تیاری کے طور پر سویڈن کے شہر بستاد میں کلے کورٹ ایونٹ میں حصہ لیں گے۔

رافیل نڈال نے 2008 اور 2010 میں ومبلڈن جیتا تھا جس کا آغاز یکم جولائی سے ہوگا۔

22 بار کے گرینڈ سلم چیمپیئن رافیل نڈال نے کہا کہ وہ ومبلڈن کے شاندار ماحول سے محروم ہونے پر افسردہ ہیں، جو ہمیشہ میرے دل میں رہے گا۔

گزشتہ ماہ فرنچ اوپن کے پہلے راؤنڈ سے باہر ہونے کے بعد نڈال نے کہا تھا کہ اولمپکس میں رولینڈ گاروس میں کلے میں واپسی اب ان کا بنیادی ہدف ہے۔

ان کا کہنا تھا کہ اس مقصد کے ساتھ ہمارا ماننا ہے کہ میرے جسم کے لیے سب سے بہتر یہ ہے کہ میں سطح تبدیل نہ کروں اور اس وقت تک مٹی پر کھیلتا رہوں۔

عالمی رینکنگ میں 264 ویں نمبر پر موجود رافیل نڈال اولمپکس میں کارلوس الکاراز کے ساتھ ڈبلز کھیلیں گے۔

رافیل نڈال اس سے قبل کہہ چکے ہیں کہ وہ اس سال کے آخر میں ریٹائرمنٹ کی توقع رکھتے ہیں، لیکن فرنچ اوپن سے قبل انہوں نے کہا تھا کہ وہ ‘100 فیصد’ نہیں کہہ سکتے کہ آیا یہ آخری بار ہوگا جب وہ ٹورنامنٹ میں کھیلیں گے یا نہیں۔