وزیر اعلی سندھ مراد علی شاہ بغیر پروٹوکول میئر مرتضیٰ وہاب کے ہمراہ کراچی کے دورے پر نکل گئے۔

مئیر کراچی مرتضی وہاب نے وزیراعلی سندھ کو مون سون بارشوں کی تیاریوں پر بھی بریفنگ دی، مئیر کراچی خود گاڑی چلاکر وزیر اعلیٰ سندھ کو لیکر پہلے نرسری کے مقام پر پہنچے۔

نرسری پر نالوں کی صفائی کے کام پر میئر کراچی نے وزیراعلی کو بریفنگ دی۔

نرسری کے بعد مئیر کراچی نے سی ایم سندھ کو بلوچ کالونی کے قریب نالوں کے بند پوائنٹ اور نالوں کی صفائی کے کام کا معائنہ کرایا۔

مئیر کراچی نے ٹیپو سلطان روڈ کے بند پوائنٹ سے بھی سی ایم سندھ کو آگاہ کیا، وزیر اعلی سندھ نے مئیر کراچی کو فوری بند پوائنٹ کھلوانے کےلئیے اقدامات کی ہدایت کیں۔

وزیر اعلیٰ سندھ مراد علی شاہ نے میئر کراچی کو ہدایات دیں کہ مون سون بارشوں سے قبل تمام نالوں کی صفائی اور بند پوائنٹ کھولے جائیں۔

اس موقع پر وزیر اعلیٰ کا کہنا تھا کہ تمام تر فنڈز ریلیز کردئیے گئے ہیں کام میں کوتاہی نہیں ہونے چائیے۔

مراد علی شاہ نے میئر کراچی سے کہا کہ پیپلز پارٹی کی حکومت پر تنقید کرنے والے کرتے رہیں ہمیں بس کام کرنا ہے۔

بغیر پروٹوکول وزیر اعلیٰ سندھ مراد علی شاہ اور مئیر مرتضیٰ وہاب کو اپنے درمیاں دیکھ شہری کو حیرت زدہ ہو گئے، شہریوں نے وزیر اعلی اور مئیر کے ساتھ تصاویر بھی بنوائیں۔