اسلام آباد: سینیٹر فیصل واوڈا کا کہنا ہے کہ آپریشن ہوگا اور ڈنکے کی چوٹ پر ہوگا۔

سینیٹ اجلاس سے خطاب کرتے ہوئے سینیٹر فیصل واوڈا نے کہا کہ آپریشن ہوگا اور ڈنکے کی چوٹ پرہوگا جب کہ نجکاری بھی ہوگی اور بجٹ بھی منظور ہوگا۔

فیصل واوڈا نے کہا کہ آپریشن پرہم سب کو لبیک کہنا ہوگا، نجکاری پر وزیر خزانہ کی حمایت کرتے ہیں، اضافی وزارتیں ختم کی جائیں اور بجٹ کی مکمل حمایت کریں گے۔

سینیٹر فیصل واوڈا کہتے ہیں کہ 18 فیصد سیلز ٹیکس پورے ملک پر لگائیں، آپریشن ملک میں استحکام لائے گا۔

انہوں نے مزید کہا کہ قومی اسمبلی میں اتنے غلط الفاظ استعمال کیے گئے جب کہ بے حیا لوگوں نے قومی اسمبلی میں اس بے ہودہ بات پرڈیسک بجائی، وزیرخزانہ کو دباؤ میں آنے کی ضرورت نہیں۔