ٹی 20 ورلڈ کپ سپر 8 مرحلے کے افتتاحی میچ میں جنوبی افریقہ نے امریکہ کو 18 رنز سے ہرا دیا۔

امریکہ نے جنوبی افریقا کے 195 رنز کے ہدف کے تعاقب میں مقررہ 20 اوورز میں 6 وکٹوں کے نقصان پر 176 بنا سکی۔

امریکہ کی جانب سے سب سے نمایاں بیٹسمین آندریز غوث جنہوں نے 80 رنز کی ناقابل شکست اننگ کھیلی، ان کی اننگ میں 5 چھکے اور 5 چوکے شامل تھے۔

اسٹیون ٹیلر 24، کورے اینڈرسن 12، اور ہرمیت سنگھ نے 38 رنز بنائے۔

جنوبی افریقا کی جانب سے رباڈا نے 3 کھلاڑیوں کا شکار کیا جبکہ تبریز شمسی، اینرچ اور کیشو مہاراج نے ایک، ایک وکٹ حاصل کی۔

اس سے قبل سر ویون رچرڈز اسٹیڈیم اینٹیگوا میں گروپ ٹو کی ٹیموں کے درمیان میگا ایونٹ کے میچ میں امریکا نے ٹاس جیت کر پہلے فیلڈنگ کا فیصلہ کیا۔

جنوبی افریقا نے مقررہ 20 اوورز میں 4 وکٹوں کے نقصان پر 194 رنز بنائے۔

جنوبی افریقا کے کوئنٹن ڈی کوک 74 رنز بنا کر نمایاں رہے، ہینڈرکس 11 اور کپتان ایڈن مارکرام 46 رنز بنائے۔

ہینرچ کلاسن 36 اور ٹرسٹن 20 رنز پر ناٹ آؤٹ رہے۔

امریکا نے پروٹیز بیٹرز پر قابو پانے کے لیے 7 بولرز آزمائے، سوربھ اور ہرمیت سنگھ نے 2,2 کھلاڑیوں کو آؤٹ کیا