حیدر آباد سلینڈر دھماکے میں اموات کی تعداد 18 تک پہنچ گئیں ہیں۔

حیدر آباد سلینڈر دھماکے میں مزید 4 اموات نے علاقے میں صف ماتم بچھا دیا ہے جب کہ سلنڈر دھماکوں میں جھلس جانے والے افراد کی اموات کی تعداد 18 ہوگٸی ہے۔

سلنڈر دھماکے میں زخمی دودا باگڑی بھی زندگی کی بازی ہار گیا جب کہ 15 سالہ عباس مبارک بھی زخموں کی تاب نہیں لاسکا اور دار فانی سے کوچ کرگیا۔

علاوہ ازیں علیشاہ ذیشان بھی اپنے بھائی حسن کی طرح خالق حقیقی سے جاملی ہیں جب کہ 15 سالہ عمیر اسد بھی موت کو شکست دینے میں ناکام رہا۔

علاقہ مکین آج بھی 4 جنازے اٹھائیں گے جب کہ گورنر سندھ بھی آج متاثرین کی دل جوئی کیلٸے پہنچیں گے، متاثرہ علاقے میں کاروبار سوگ میں آج بھی مکمل بند ہے۔