انتہائی مطلوب انسانی اسمگلر کی بیرون ملک فرار کی کوشش ناکام  بنادی گئی ۔

تفصیلات کے مطابق    ایف آئی اے امیگریشن  نے پشاور ایئرپورٹ پر  کارروائی کرکے انتہائی مطلوب انسانی اسمگلر سمیت 2 ملزمان  گرفتار کرلیے۔

گرفتار ملزمان میں محمد نبی اور امین اللہ شامل  ہیں۔    ملزم محمد نبی نے عمان فرار ہونے کی کوشش کی تھی۔  ملزم کے موبائل فون سے متعدد جعلی ویزے اسٹیکرز بھی برآمد کر لیے گئے۔

ملزم انسانی سمگلنگ اور ویزا فراڈ  کے گھناؤنے جرم میں ملوث ہے۔

ملزم سادہ لوح شہریوں سے بھاری رقوم بٹورنے کے بعد بیرون ملک فرار ہو رہا تھا۔ جبکہ جعلی سفری دستاویزات پر بیرون ملک جانے والے مسافر کو آف لوڈ کر دیا گیا۔

 ملزم امین اللہ کی جانب سے پیش کیا جانے والا اٹلی ریزیڈنٹ کارڈ جعلی نکلا۔  ابتدائی تفتیش کے مطابق ملزم نے منظم گینگ سے مذکورہ جعلی کارڈ بنوایا۔

ملزم کو مزید قانونی کارروائی کے لیے اینٹی ہیومن ٹریفکنگ سرکل پشاور منتقل کر دیا گیا جہاں اس سے مزید تفتیش جاری ہے۔