مصطفٰی کمال کا کہنا ہے کہ ہم جنازے اُٹھا اُٹھا کرتھک چکے ہیں۔ آخری بارمطالبہ کررہےہیں قانون نافذ کرنےوالےادارے اپنا کردار نبھائیں۔

ایم کیو ایم پاکستان کے رہنما و رکن قومی اسمبلی مصطفٰی کمال کی جانب سے جاری بیان میں کہا گیا ہے کہ کراچی میں کچے کا قانون رائج کرنے کی منظم سازش کی جاری ہے،  کراچی کے ڈکیتوں کو لسانی اورسیاسی شیلٹرحاصل ہے۔

مصطفیٰ کمال نے کہا کہ کراچی میں کوئی محفوظ نہیں، کبھی ڈاکٹرکبھی اینجینئرکوماردیتےہیں، سانحہ یہ نہیں کہ آج ہم ایک نوجوان کا جنازہ اُٹھائیں گے، سانحہ یہ ہےکہ کل کسی اورنوجوان کی باری ہوگی۔

انھوں نے کہا کہ سندھ حکومت اوروفاق بتائے کراچی والے گھروں سے نکلنا بندکردیں؟ ہم جنازے اُٹھا اُٹھا کرتھک چکےہیں، کیاکراچی والے بھی ڈکیتوں سےمقابلے کیلئے ہتھیاراُٹھالیں؟

مصطفیٰ کمال نے بیان میں کہا کہ اپنی مددآپ کے تحت ڈکیتوں کامقابلہ کرلیں گے، قانون ہاتھ میں نہیں لیناچاہتےلیکن ہمارے پاس کوئی اورآپشن نہیں، آخری بارمطالبہ کررہےہیں قانون نافذ کرنےوالےادارے اپنا کردارنبھائیں، کراچی کےشہریوں کوتحفظ فراہم کیاجائے۔