اسلام آباد: صدر مملکت آصف علی زرداری نے کلاڈیا شین بام کو میکسیکو کی پہلی خاتون صدر منتخب ہونے پر تہنیتی پیغام جاری کردیا۔

کلاڈیا شین بام کے میکسیکو کی پہلی خاتون صدر منتخب ہونے پر صدر مملکت آصف علی زرداری نے کہا کہ میکسیکو کی پہلی خاتون صدر کے طور پر آپ کے تاریخی انتخاب پر مبارکباد پیش کرتا ہوں۔

صدر مملکت کا کہنا ہے کہ یہ امر باعث فخر ہے کہ شہید محترمہ بے نظیر بھٹو مسلم دنیا کی پہلی خاتون وزیر اعظم تھیں، شہید بینظیر بھٹو نے جمہوریت اور خواتین کی خود مختاری کے لیے جدوجہد کی۔

آصف علی زرداری کا کہنا تھا کہ ہم آپ کی قیادت میں میکسیکو کے ساتھ دو طرفہ تعلقات مستحکم کرنے کے خواہشمند ہیں۔

صدر مملکت نے میکسیکو کی صدر کی کامیابی اور میکسیکو کی خوشحالی کے لیے نیک خواہشات کا اظہار بھی کیا ہے۔