سعودی عرب میں ذوالحجہ کا چاند نظر آگیا۔

سعودی میڈیا کے مطابق سپریم کورٹ کی جانب سے جاری بیان میں کہا گیا ہے کہ آج ذوالعقد کی 29 تاریخ کو ملک کے بیشتر حصوں میں چاند نظر آنے کی شہادتیں موصول ہوئیں۔

سپریم کورٹ نے چاند نظر آنے کا اعلان کرتے ہوئے کہا کہ  حج کا رکن اعظم  وقوف عرفہ ہفتہ 15 جون  کو جبکہ عیدالاضحیٰ اتوار 16 جون کو ہوگی۔

اس کے علاوہ  سلطنت عمان میں ذوالحجہ کا چاند نظر نہیں آیا، سلطنت عمان میں یکم ذوالحجہ 8 جون اورعید الاضحٰی 17 جون کوہوگی۔

دوسری جانب  پاکستان میں مرکزی رویت ہلال کمیٹی کا اجلاس  آج ہوگا۔

محکمہ موسمیات کے مطابق پاکستان میں آج ذو الحجہ کا چاند نظر آنےکا قوی امکان ہے۔