آئی سی سی ٹی ٹوئنٹی ورلڈ کپ میں آسٹریلیا نے نمیبیا کو 9 وکٹوں سے شکست دے دی۔

تفصیلات کے مطابق نمیبیا کے 72 رنز کے آسان ہدف کو آسٹریلیا نے 5.4 اوورز میں ایک وکٹ کے نقصان پر حاصل کر کے سپر 8 مرحلے کے لیے کوالیفائی کر لیا ہے۔

آسٹریلیا  کی جانب سے ٹریوس ہیڈ 34 رنز کی ناقابل شکست اننگز کھیل کر  نمایاں رہے۔مچل مارش 18 رنز پر ناٹ آؤٹ رہے جبکہ ڈیوڈ وارنر 20 رنز بنا کر آؤٹ ہوئے۔

نمیبیا  کی جانب سے آسٹریلیا کی واحد وکٹ ڈیوڈ ویزے نے حاصل کی۔

اس سے قبل سر ویوین رچرڈز اسٹیڈیم میں گروپ بی کے میچ میں آسٹریلیا نے ٹاس جیت کر نمیبیا کو پہلے بیٹنگ کی دعوت دی۔

نمیبیا کی بیٹنگ لائن آسٹریلوی بولرز کے سامنے ریت کی دیوار ثابت ہوئی اور پوری ٹیم 17 اوورز میں 72 رنز پر آؤٹ ہو گئی۔

ٹیم کے کپتان جرہارڈ ایراسمس 36 رنز بنا کر نمایاں رہے جبکہ مائیکل وین نے 10 رنز بنائے۔ان کے علاوہ دیگر   کوئی بلے باز ڈبل فیگرز میں بھی داخل نہ ہوسکا۔

آسٹریلیا کی جانب سے  ایڈم زیمپا نے 4 مارکس اسٹوئنس اور جوش ہیزل ووڈ نے 2،2 جبکہ کپتان پیٹ کمنز اور ناتھن ایلیز نے ایک ایک وکٹ حاصل کی۔