نئی دہلی: بھارتی ریاست آسام میں آنے والے سیلاب نے تباہی مچاتے ہوئے 84 افراد کی جان لے لی۔

بھارتی میڈیا کے مطابق ریاست آسام میں آنے والے شدید سیلاب سے 14 لاکھ افراد متاثر ہوئے ہیں، شدید سیلابی صورتحال سے اب تک 84 ہلاکتوں کی تصدیق ہوچکی ہے۔

اقوام متحدہ کے امدادی اداروں نے متاثرہ علاقوں میں امدادی کارروائیاں شروع کردی ہیں، ریاست میں گزشتہ چند روز سے شدید بارشوں کے باعث دریائے برہم پترا سمیت تمام آبی گزرگاہوں میں سیلاب کی کیفیت ہے۔

سیلابی پانی سے 27 اضلاع میں تین ہزار سے زیادہ دیہات زیرآب آ گئے ہیں، شدید بارشوں سے 40 ہزار ہیکٹر پر زرعی اراضی کو نقصان پہنچا ہے۔