نیپال میں ایک طیارہ حادثے کا شکار ہوگیا جس کے نتیجے میں 18 افراد ہلاک ہوگئے۔

برطانوی نشریاتی ادارے کی رپورٹ کے مطابق ساؤریا ائیرلائن کے ائیرکرافٹ کو کھٹمنڈو کے تربھون انٹرنیشنل ائیرپورٹ پر حادثہ پیش آیا ۔

بدھ کے روز صبح 11 بجے طیارے نے اڑان بھری تو وہ حادثے کا شکار ہوگیا۔

طیارے میں کریو ممبران سمیت 19 افراد سوار تھے جن میں سے 18 کی ہلاکت کی تصدیق ہوگئی ہے ۔حادثے میں واحد زندہ بچ جانے والا جہاز کا پائلٹ اسپتال میں زیر علاج ہے۔

حادثے کے بعد کھٹمنڈو کے تربھون انٹرنیشنل ائیرپورٹ کو بند کردیا گیا ہے۔

حکام کا کہنا ہےکہ طیارہ حادثے کی وجوہات فوری طور پر معلوم نہیں ہوسکی ہیں تاہم حادثے میں مرنے والوں کی لاشوں کو اسپتال منتقل کردیا گیا ہے ۔

میڈیا رپورٹس کے مطابق طیارہ اڑان بھرتے وقت رن وے پر پھسلنے  کے باعث حادثے کا شکار ہوا جس کے بعد طیارے میں آگ بھڑک اٹھی ۔