ملکی معیشت کیلئےاچھی خبر، ماڑی پٹرولیم کمپنی نے سندھ میں گیس کے نئے ذخائرکا اعلان کردیا۔

اعلامیے کے مطابق ماڑی گیس کا کہنا ہے کہ غازی فارمیشن میں گیس کےنئےذخائردریافت ہوئے ہیں۔ ماڑی گیس کمپنی نے پاکستان اسٹاک ایکسچینج کوخط لکھ کرآگاہ کردیا۔

کمپنی اعلامیے کے مطابق غازی فارمیشن میں کنویں پر1006میٹرڈرلنگ کی گئی، کنویں سے 5 ملین اسٹینڈرڈ کیوبک فٹ یومیہ گیس کے ذخائرملے ہیں، کنویں سے پیداوارریگولیٹری قواعد پورے ہونے کے بعد سسٹم میں شامل ہوگی۔

آئل اینڈگیس ڈویلپمنٹ کمپنی نے بتایا ناشپا 4 کنویں سے پیداوارمیں ریکارڈ اضافہ ہوا ہے۔ اوجی ڈی سی نے پاکستان اسٹاک ایکسچینج کوخط لکھ کرآگاہ کردیا۔

خیبرپختونخواکےضلع کرک میں ناپشا کنویں سے پیداوارمیں نمایاں اضافہ ہواہے، ناشپا 4 کنویں سے خام تیل کی پیداوارمیں یومیہ 330 بیرل اضافہ ریکارڈ کیا گیا۔

او جی ڈی سی کے مطابق کنویں سے7.70ایم ایم سی ایف ڈی گیس کی اضافی پیداواربڑھی ہے، اضافی 21 میٹرک ٹن ایل پی جی کی پیداوارمل رہی ہے، گیس کی پیداوارسوئی ناردرن گیس پائپ لائن میں سپلائی کی جارہی ہے۔