وفاقی وزیراطلاعات کا کہنا ہے کہ مفتاح اسماعیل اورشاہدخاقان کاارکان اسمبلی کو500ارب دینے کا دعویٰ درست نہیں۔ ہمارے سابق ساتھیوں نےغلط اعدادوشمار پیش کیے۔

وفاقی وزیراطلاعات عطا تارڑنے اسلام آباد میں نیوز کانفرنس کرتے ہوئے کہا کہ حکومت اپنے اخراجات کم کرنے کے لیے اقادامات کررہی ہے۔ حکومت اصلاحات کے اینڈے پر کام کررہی ہے، حکومت باتوں پرنہیں عملی اقدامات پریقین رکھتی ہے۔

عطا تارڑ نے کہا کہ معیشت بہت جلد بہترہوگی، دیوالیہ ہونے سے بچا کرلائیں گے، زرمبادلہ کے ذخائر9 ارب ڈالرسے تجاوزکرگئے ہیں، سولرپینلزپرکوئی ٹیکس نہیں لگایا گیا، انڈسٹریل پیکیج پر38 روپے فی یونٹ ریلیف دیا گیا، کئی ٹیکسز 45 سے 35 فیصد پر بھی لائے گئے، فائلرکی طرف آنا ہوگا، نان فائلرسے فائلربننا ہوگا۔

وفاقی وزیراطلاعات نے کہا کہ پنشن اورزرعی ادویات پر کوئی ٹیکس نہیں لگایا گیا، پٹرولیم لیوی لاگوکرنے کی بجائے اسے 60 فیصد پربرقراررکھا گیا، پٹرولیم لیوی10 فیصد لگانے کی گنجائش ہے ہوسکتا ہےنہ لگائی جائے، وزیراعظم تنخواہ اورمراعات نہیں لے رہے، مفتاح اسماعیل، شاہدخاقان کاارکان اسمبلی کو500ارب دینےکادعویٰ درست نہیں۔ ہمارے سابق ساتھیوں نےغلط اعدادوشمار پیش کیے۔

عطاتارڑنے کہا کہ شاہدخاقان کی تو اپنی ایئرلائن تھی، شاہد خاقان کو پی آئی اے کی نجکاری خود کرنی چاہئے تھی، لگتا ہے شاہدخاقان اورمفتاح اسماعیل نے بجٹ کتاب نہیں پڑھی، پی ڈبلیو ڈی کی تحلیل کاعمل شروع کردیا گیا ہے، وزیراعظم نےحکومتی اخراجات کم کرکے دکھائے۔