دانیال چوہدری کا کہنا ہے کہ مخصوص جماعت کو وہ ریلیف دیا گیا جومانگا ہی نہیں گیا تھا، فیصلہ کیا ہے کہ نظرثانی اپیل دائر کرینگے۔

رہنما مسلم لیگ ن دانیال چوہدری نے اسلام آباد میں پریس کانفرنس کرتے ہوئے کہا کہ ہمارے لیڈر نے یہ سکھایا ہے کہ سب سے پہلے پاکستان ہے، مریم نوازکو والد کے سامنے جیل میں ڈالا گیا۔

دانیال چوہدری نے کہا کہ قوم ایسے نہیں بنتی کہ جب دل چاہا ملک توڑنے کی باتیں کرو، پاکستان کو کرپٹ ملک بنانے کے لیے لابنگ کی گئی، کنٹینرپرکھڑے ہو کر بلیک میل کیا گیا، ملک میں جلاؤ گھیراؤکی بات کی گئی۔

رہنما مسلم لیگ ن نے کہا کہ اتحادی جماعتوں نے فیصلہ کیا کہ نظرثانی اپیل دائر کرینگے، بھوک ہڑتال سے قومیں نہیں بنتیں، مخصوص جماعت کووہ ریلیف دیا گیا جومانگا ہی نہیں گیا تھا۔