ضلع دیر میں پاک افغان بارڈر پر سیکیورٹی فورسز نے دہشتگردوں کی دراندازی کی کوشش ناکام بنا دی۔

پاک فوج کے شعبہ تعلقات عامہ (آئی ایس پی آر) کے مطابق پاک افغان بارڈر پر دراندازی کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس کے نتیجے میں 3 دہشت گرد ہلاک ہو گئے۔

آئی ایس پی آر کا کہنا تھا کہ پاکستان نے مؤثر بارڈر مینجمنٹ کا معاملہ افغان عبوری حکومت کے سامنے اٹھایا ہے، توقع ہے کہ افغان حکومت اپنی ذمہ داریاں پوری کرے گی۔

آئی ایس پی آر نے مزید کہا کہ افغان حکام اپنی سرزمین کا پاکستان کے خلاف استعمال روکیں، پاکستان کی فورسز اپنی سرحدوں کو محفوظ بنانے کے لیے پُرعزم ہیں۔