بھارتی بحریہ کا غرور فریگیٹ آئی این ایس برہمہ پترا ممبئی نیول ڈاکیارڈ میں آتشزدگی کا شکار ہونے کے بعد ڈوب گیا۔

بھارتی میڈیا کی رپورٹ کے مطابق آئی این ایس برہمہ پترا ممبئی نیول ڈاکیارڈ میں معمول کی مرمت کے لیے لایا گیا تھا۔

21 جولائی کو آئی این ایس برہمہ پترا میں آگ لگی۔ آگ بجھانے کے دوران آئی این ایس برہمہ پترا پورٹ سائیڈ کی جانب جھکنا شروع ہوا اور  بھارتی بحریہ کی سرتوڑ کوششوں کے باوجود آئی این ایس برہمہ پترا کھڑے کھڑے ڈوب گیا۔

آئی این ایس برہمہ پترا کے حادثے میں ایک سیلر  بھی لاپتہ  ہوگیا۔

آئی این ایس برہمہ پترا 10 برس کے دوران ممبئی نیول ڈاکیارڈ میں حادثے کا شکار ہونے والا بھارتی بحریہ کا تیسرا جہاز ہے۔

2013 میں بھارتی بحریہ کی روسی ساختہ کلو کلاس آبدوز آئی این ایس سندھو رکھشک بھی ڈاکیارڈ میں آتشزدگی کا شکار ہوئی تھی۔

آئی این ایس سندھو رکھشک آگ لگنے سے ڈوب گئی  تھی اور 18 اہلکار ہلاک ہوئے تھے۔

2016   میں فریگیٹ آئی این ایس بیٹوا بھی ممبئی ڈاکیارڈ میں سپورٹ بلاکس پر سے گر گیا تھا۔