ویمنز ایشیا کپ کے دوسرے سیمی فائنل میں سری لنکا نے پاکستان کو 3 وکٹوں سے شکست دے دی۔

سری لنکا کی ٹیم نے پاکستان کا 141 رنز کا ہدف صرف ایک گیند قبل 7 وکٹوں کے نقصان پر حاصل کیا، سری لنکن ٹیم چھٹی بار ویمنز ایشیا کپ کے فائنل میں پہنچی ہے۔

کپتان چماری اتھا پاتھو نے 63 رنز کی اننگز کھیلی، انوشکا 24، دلہاری 17 اورہرشیتھا نے 12 رنز بنائے۔

دمبولا:انوشکا24،دلہاری17اورہرشیتھا12رنزبناسکیں

پاکستان ویمنز کی جانب سے 4 وکٹیں حاصل کرنے والی بولر سعدیہ اقبال کا شاندار اسپیل رائیگاں گیا۔

سری لنکا کے شہر دمبولا میں کھیلے جانے والے سیمی فائنل میں پاکستان نے پہلے کھیل کر 4 وکٹوں پر 140 رنز بنائے،

منیبہ علی 37 اور گل فیروزہ 25 رنز بنا کر نمایاں رہیں، فاطمہ ثنا اور کپتان ندا ڈار نے 23،23 رنز بنائے۔

سری لنکا کی پرابودھنی اور دلہاری نے 2،2 وکٹیں حاصل کیں۔

ویمنز ایشیا کپ کا فائنل بھارت اورسری لنکا کے درمیان اتوار کو ہو گا۔