رانا مشہود کا کہنا ہے کہ یوتھ پروگرام کے ذریعے نوجوان مستقبل کو محفوظ بنا سکتے ہیں۔ نوجوانوں کی بہتری کے لیے اقدامات کر رہے ہیں۔

کراچی میں وزیراعظم یوتھ پروگرام کے چیئرمین رانا مشہود نے میڈیا سے گفتگو کرتے ہوئے کہا کہ آج کا نوجوان خوشحالی، بہترمستقبل چاہتا ہے۔

رانامشہود نے کہا کہ یوتھ پروگرام کے ذریعے نوجوان مستقبل کومحفوظ بنا سکتے ہیں، نوجوانوں کومیرٹ پرمستقبل سنوارنے کا موقع دیا جا رہا ہے، نوجوانوں کی بہتری کے لیے اقدامات کر رہے ہیں۔

چیئرمین وزیراعظم یوتھ پروگرام نے کہا کہ 10 کھیلوں کی اکیڈیمیزکا قیام عمل میں لایا جارہا ہے، نئے ٹیلنٹ کوتربیت، مواقع فراہم کر کے پاکستان کا نام روشن کیا جائے گا۔

رانامشہود نے کہا کہ آنے والے وقت میں ایک بار پھرکھیلوں کے میدان آباد نظرآئیں گے، ہماری حکومت کو ابھی صرف 100 دن ہوئے ہیں، نوجوانوں کونئی امید، مستقبل دینے کی کوشش کررہےہیں۔