وزیر اعظم نے پیٹرولیم مصنوعات کی قیمتوں میں کمی کی منظوری دے دی ہے۔

وزیر اعظم کی پیٹرولیم مصنوعات کی قیمتوں میں کمی کی منظوری کے بعد وزارت خزانہ نے باضابطہ نوٹیفیکیشن جاری کر دیا ہے۔

نوٹیفیکیشن کے مطابق پیٹرول کی فی لیٹر قیمت 6 روپے 17 پیسے کم کردی گئی، جس کے بعد پٹرول کی نئی قیمت  269 روپے 43 پیسے فی لیٹر ہو گئی ہے۔

ڈیزل کی فی لیٹر قیمت میں 10 روپے 86 پیسے کی کمی کی گئی ہے، جس کے بعد ڈیزل کی نئی قیمت 272 روپے 77 پیسے فی لیٹر ہوگئی ہے۔

مٹی کے تیل کی قیمت میں بھی 6 روپے 32 پیسے کی کمی کی گئی ہے، مٹی کے تیل کی نئی قیمت 177 روپے 39 پیسے ہو گئی ہے۔

وزارت خزانہ کے نوٹیفیکیشن کے مطابق لائٹ اسپیڈ ڈیزل کی قیمت بھی 5 روپے 72 پیسے فی لیٹر کم کر دی گئی ہے۔