اسلام آباد: پاکستان بار کونسل نے سپریم کورٹ میں ایڈہاک ججز کی تعیناتی کی حمایت کردی۔

پاکستان بار کونسل کی جانب سے جاری کردہ اعلامیہ میں کہا گیا ہے کہ پاکستان بار کونسل نے ایڈہاک ججز کی تعیناتی کی سفارش کی تھی۔

اعلامیہ کے مطابق پاکستان بار کونسل ایڈہاک ججز کی تعیناتی کے فیصلے کی حمایت کرتا ہے، مقدمات کی سماعت میں تاخیر بروقت انصاف کی فراہمی میں رکاوٹ ہے۔

انہوں نے کہا کہ زیر التواء مقدمات کا بوجھ کم کرنے کے لئے ریگولر بینچ تشکیل دیے جائیں، حکومت آئینی عدالت کا قیام عمل میں لائے۔

اعلامیہ میں مزید کہا گیا ہے کہ سیاسی مقدمات آئینی عدالت میں سنے جاسکیں گے اور سیاسی مقدمات کی وجہ سے دیگر کیسز التواء کا شکار نہیں ہوں گے۔