آئی ایم ایف کے مطابق پاکستان میں رواں مالی سال معاشی ترقی کی رفتار 3.5 فیصد رہنے کا امکان ہے۔

آئی ایم ایف نے ورلڈ اکنامک آؤٹ لک اپ ڈیٹ رپورٹ جاری کردی ہے جس کے مطابق پاکستان میں رواں مالی سال معاشی ترقی کی رفتار 3.5 فیصد رہنے کا امکان ہے۔

آئی ایم ایف کا کہنا ہے کہ حکومت نے نئے بجٹ میں معاشی ترقی کا ہدف 3.6 فیصد مقرر کیا ہے، گزشتہ مالی سال پاکستان میں معاشی شرح نمو 2 فیصد رہی جب کہ عالمی معیشت اس سال 3.3 فیصد شرح سے ترقی کرے گی۔

آئی ایم ایف کے مطابق عالمی سطح پر مہنگائی اور شرح سود بلند سطح پر رہنے کا امکان ہے جب کہ آئی ایم ایف نے عالمی سطح پر اجناس کی قیمتیں بڑھنے کی پیش گوئی کی ہے۔

آئی ایم ایف نے بتایا کہ پالیسی ریٹ میں سال کے دوسرے حصے میں کمی کا امکان ہے، عالمی معیشت کے لئے ایکٹرنل، فسکل اور فنانشل خطرات موجود ہیں۔

آئی ایم ایف کا مزید کہنا تھا کہ انرجی اور فوڈ پرائسز بتدریج کورونا سے پہلے والی سطح پر آجائیں گے تاہم عمومی مہنگائی بلند سطح پر رہے گی۔

علاوہ ازیں آئی ایم ایف نے رواں سال ہمسایہ ملک بھارت کی جی ڈی پی گروتھ 6.5 فیصد اور چین کی 4.5 فیصد رہنے کی پیش گوئی کی ہے۔