وہاب ریاض نے کہا کہ کہنےکوبہت کچھ ہے لیکن بلیم گیم کا حصہ نہیں بننا چاہتا، پی سی بی کے ساتھ بطورسلیکشن کمیٹی ممبر میرا سفر ختم ہوا۔ 

سماجی رابطے کی ویب سائٹ پر ٹوئٹ کرتے ہوئے وہاب ریاض نے کہا کہ پوری ایمانداری سے اس کھیل کی خدمت کی جس سے محبت کرتا ہوں، 7 رکنی سلیکشن کمیٹی کے ساتھ کام کر کے بہت اچھا لگا، اس کمیٹی میں تمام ارکان کے ووٹ کی یکساں حیثیت تھی۔

انھوں نے اپنے پیغام میں کہا کہ تمام ممبران نے ایک ٹیم کی حیثیت سے سلیکشن کی، سلیکشن کمیٹی کاحصہ رہنا میرے لیے فخرکی بات ہے، گیری کرسٹن اورکوچنگ گروپ کے ساتھ کام کرنا بھی باعث اعزازرہا۔

وہاب ریاض نے اپنی ٹوئٹ میں مزید کہا کہ امید ہے کوچزکی حکمت عملی اس ٹیم کوطاقتورفورس میں بدل دے گی، کوچنگ اسٹاف کیلئے نیک خواہشات کا اظہارکرتا ہوں۔