لاہور: مسلم لیگ ن کی مخصوص نشست پر معطل ہونے والی رکن نے الیکشن کمیشن کو درخواست لکھ دی۔

پنجاب اسمبلی مسلم لیگ ن کی معطل شدہ رکن تحسین فواد نے الیکشن کمیشن سے نظرثانی اپیل کے فیصلے تک ممبران کو ڈی نوٹیفائی نہ کرنے کی درخواست کردی۔

تحسین فواد نے اپنی درخواست میں موقف اختیار کیا کہ 4 مارچ 2024 کے نوٹیفکیشن کے مطابق رکن صوبائی اسمبلی پنجاب ہوں اور 8 مارچ کو رکنیت کا حلف اٹھایا۔

درخواست میں انہوں نے کہا کہ ن لیگ نے 12 جولائی کے سپریم کورٹ کےمختصر فیصلے کے خلاف نظرثانی اپیل دائر کی۔

تحسین فواد نے الیکشن کمیشن سے درخواست کی کہ نظرثانی اپیل کے فیصلے تک شارٹ آرڈر کی بنیاد پر ڈی نوٹیفائی نہ کیا جائے۔