سابق وزیر گوہر اعجاز نے آئی پی پیز پر کڑی تنقید کرتے ہوئے بجلی معاہدوں کو عوام دشمن قرار دے دیا۔

سابق وزیر گوہر اعجاز کے مطابق بجلی کے بلوں کی سنگین صورتحال پر 2020 میں ہی خبردار کر دیا تھا، انہوں نے آئی پی پیز کے ساتھ مہنگے معاہدوں کو سخت تنقید کا نشانہ بناتے ہوئے اسے شہریوں کے لیے ناقابل برداشت قرار دیا ہے۔

ان کا کہنا تھا کہ روشنی دینے والے مستقبل تاریک کر رہے ہیں اور یہ عوام کا خون چوس رہے ہیں، اب مہنگی بجلی پاکستانیوں کی قوت خرید سے باہر ہے۔

گوہر اعجاز کے مطابق بجلی معاہدے شہریوں کو غریب اور کاروباری افراد کا دیوالیہ نکال رہے ہیں۔

سابق وزیر کہتے ہیں کہ ایف پی سی سی آئی سپریم کورٹ سے صورتحال میں مداخلت کی استدعا کرے گی۔

سابق وزیر محمد علی نے 2020 کی رپورٹ میں بتایا کہ حکومتی نااہلی اور آئی پی پیز کی غلط بیانیوں کی وجہ سے سینکڑوں ارب روپے کا نقصان ہو رہا ہے۔

گوہر اعجاز نے سوال کیا کہ سابق وزیر محمد علی کی وہ رپورٹ آج تک مکمل طور پر نافذ کیوں نہیں کی گئی؟ اور حکومت نے اس رپورٹ میں مطالبہ کردہ فرانزک آڈٹ کا حکم کیوں نہیں دیا؟