ڈی پی آئی کالجز کے سزا یافتہ سپریٹنڈنٹ منصور صادق کا تبادلہ واپس کرکے دونوں پہلے والے آرڈرز منسوخ کردیے گئے۔

محکمہ ہائر ایجوکیشن ڈیپارٹمنٹ میں بد انتظامی اور بدحواسیاں عروج پر پہنچ گئی ہیں جب کہ سپریٹنڈنٹ منصور صادق کو واپس ڈی پی آئی کے دفتر میں ٹرانسفر کر دیے جانے کا انکشاف سامنے آیا ہے۔

ایچ ای ڈی کے علم میں ہونے کے باوجود نہ صرف ان کی واپسی کے آرڈر منسوخ کر دیے گئے بلکہ 2022 میں ان کو گورنمنٹ شالیمار کالج میں ٹرانسفر کیے جانے کے احکامات بھی منسوخ کردیے گئے ہیں۔

ذرائع کا دعویٰ ہے کہ ڈی پی آئی کالجز نے جب مذکورہ سپریٹنڈنٹ کی فائل منگوائی تو معلوم ہوا کہ ان کی سزا سے متعلق دستاویزات غائب کردی گئی ہیں۔

ڈی پی آئی کالجز ڈاکٹر سید انصر اظہر  نے اب تک جاری ہونے والے تمام خطوط کی تفصیلات طلب کرلی ہیں جب کہ تاحال کسی چٹھی کی تفصیل فراہم نہیں کی گئی ہے۔

ڈی پی آئی کالجز دفتر کے سپریٹنڈنٹ منصور صادق کے خلاف سابق اسسٹنٹ ڈائریکٹر محترمہ ہما نذر نے ہراسمنٹ کی درخواست دی تھی جو بعد میں سچ ثابت ہونے پر منصور صادق کو سزا سنا دی گئی تھی۔

سزا میں پانچ سال کی انکریمنٹ نہ دیے جانے کے احکامات جاری کیے گئے تھے جس پر تاحال عمل درآمد نہیں ہوسکا ہے۔

 گورنر پنجاب کو منصور صادق کی جانب سے اپیل کی گئی لیکن اسے مسترد کرتے ہوئے سزا بحال رکھی گئی۔

ہائر ایجوکیشن ڈیپارٹمنٹ کی جانب سے 15 دسمبر 2022 کو منصور صادق کا تبادلہ گورنمنٹ اسلامیہ کالج ریلوے روڈ لاہور کیا گیا جو کہ سیٹ خالی نہ ہونے کی وجہ سے جوائن نہیں کرسکے۔

بعد ازاں 19 دسمبر 2022 کو انہی کے احکامات کا متبادل جاری کیا گیا جس کے مطابق موصوف نے گورنمنٹ کالج شالیمار لاہور میں جوائن کیا اور جون 2024 تک وہاں سے تنخواہ لیتے رہے۔

پھر اچانک ڈائریکٹر ایڈمن ڈی پی کالجز سخاوت ڈوگر کی جانب سے خط تحریر کیا گیا جس پر ہائر ایجوکیشن ڈیپارٹمنٹ نے منصور صادق کو دوبارہ ڈی پی کالجز کے دفتر میں تبادلے کے احکامات جاری کیے۔

بول نیوز کی جانب سے ہائر ایجویشن ڈیپارٹمنٹ کو نشاندہی کروانے کے بعد اگلے ہی روز 28 دسمبر 2022 کو نہ صرف جاری احکامات واپس لے گئے بلکہ 19 دسمبر 2022 کو جاری ہونے والے احکامات بھی واپس لے کر منسوخ کر دیے گئے۔

گورنمنٹ کالج شالیمار کے پرنسپل اور اکاؤنٹنٹ نے منصور صادق کو جو تنخواہیں جاری کی ہیں ان کا جواب کون دے گا اور جو پانچ سال کی انکریمنٹ اسٹاپ کیے گئے ہیں ان کی ریکوری کا کیا ہوگا۔

ڈائریکٹر ایڈمن سخاوت ڈوگر نے ڈی پی آئی کو بائی پاس کرکے ایچ ای ڈی خط لکھا ہے، بول نیوز فالو اپ اسٹوری میں تمام حقائق سامنے رکھے گا۔