شہر قائد میں ہونے والی آج بارش سے کے الیکٹرک کا نظام درہم برہم ہو گیا ہے۔

کراچی میں بارش کےبعد کے الیکٹرک کے سیکڑوں فیڈرز بند ہو گئے جس سے متعدد علاقوں میں بجلی کی سپلائی متاثر ہو گئی ہے۔

رپورٹس کے مطابق بارش کے بعد شہرمیں کے مختلف علاقوں میں 390 سے زائد فیڈرز اور درجنوں پی ایم ٹیز بند ہو گئیں ہیں۔

بن قاسم، گلستان جوہر، معمار، کورنگی، اورنگی،بلدیہ اور سرجانی کے علاقے بجلی بند ہونے سے متاثر ہوئے ہیں۔

ڈی ایچ اے، نارتھ ناظم آباد، جیکب لائنز، گڈاپ اور سائٹ کےعلاقے بھی بجلی سے محروم ہو گئے ہیں۔

جبکہ صدر، ایم اےجناح روڈ سمیت ملحقہ علاقوں میں دوبارہ بارش شروع ہو گئی ہے۔